Jaaynirɗe Senegaal kollitii to Ndakaaru Laamorgo Senegaal,wonde Jeneraal Seekuba Konaate lomta Dadiis Kamara,ko o janɗo e rafi cellal,ko ene wona jooni balɗe,ko e ɗuum o ari Ndakaaru,ngam ƴettude safaara makko e juuɗe Doktoreeɓe Senegaalnaaɓe,to Opitaal Perensippaal Dakaar,wonnoo Gine deeƴaani,gila Dadiis fellaa e joon,ko ɗuum waɗi nde ɗanngal safaara ngal jaynaa,yalti toon e nder Gine,ɗum waɗii iñcuru mawndu e nder Konaakiri,haa ko ɗuum waɗi,Jaagorgal maɓɓe Kalfinaangal Cellal ngal,waɗi ɓaŋŋino,ngam yeddude wonde ko rafi nawi mo Senegaal,ko ɗoon o wiy:ko goonga Seekuba yahii Ndakaaru,kono nawi mo toon,ko yiyondiroyde e yeewtidde e Wadda.

Ko no ene annda wonde Seekubaa Konaate,ko o ñawɗo,tee alaa ɗo rafi o nawaani mo e Winndere hee,o yahii safroyaade to:Liba,o yahii Farayse e Maruk too umminoo e yontre ɓennunde ɗoo ndee.

so en teskiima,ko kanko Konaatee woni Hoyreejo Ginenaajo ɗimmo,mo ene ñawa e nder lewru wooturu,caggal nde Muusaa Dadiis Kamara ɗeɓi wareede,e felleede kure e hoyre,haa nawaa Maruk,nan toon lelii e safaara,wuurii anndaaka,so maayii ne jommbaani!sabu heewɓe ene mbiya:ko o “Paaraalisɗo”:bannge e makko ko ko maayi! won wiyooɓe kadi:pecce ɗiɗi e ngaanndi makko,ko ko maayi pak!!!sabu ko ɓeen mbiy,Jom Suudu makko yahiino toon salminoyde mo,kono o heɓtinaani ɗum,haa hooti Konaakiri.

ne jeyaa e ko njiɗɗen joopanaade Wanngiyankooɓe:wonde oo ɗoo Jeneraal Seekuba Konaate,lomtiiɗo Dadiis saha nde woni e safara to Maruk,ko kanko wonno Mawɗo gardinooɗo Konu Gine Keeriingu,kanko noon ko o Ginenaajo to bannge Baaba makko,Yumma makko ko Libanaajo(LUBNAAN),ko o desɗo,omo jogii Ɓiɗɗo Gorko gooto e Ɓiɗɓe ɗiɗo Rewɓe.                                              A.K@yaakaare.com