DAAROL CEERNO MUNTAQAA TAAL
Ko adii nde payaten e daarol Ceerno Muntaqaa won Ceedtagol ngol tintintumi wanngotooɓe e lowre yaakaare.com.Gila nde Ceerno Saydu Nuuru Taal e Ceerno Muntaqaa nduttinoo,banndiraaɓe men seernaaɓe e ɓiɓɓe lenyol ngol haa e ɓe njiidaa e maggol ceeraani e siiftorde ɓe kala hitaande,Ko ɗuum jeyi sabaabu gila alkamiisa 21 lewru siilo(samwiyee) haa 25 mayru ko e siyaara maɓɓe wonaa ɗo e Ndakaaru.Banndiraabe nootiima e keewal e peewal……
HOLI CEERNO MUNTAQAA?
Ceerno Muntaqaa ko ɓiy Ceerno Ahmadu Muntaqaa kam e Sokna Salamata Joob.o yiynoo aduna ko ñalnde 1914 to ɓoggee e nder leydi Muritani.O adii janngude quraana ko e baaba makko caggal ɗuum ,baaba makko halfini mo Ceerno Abda Jah mo Haayre laaw hedde hitaande 1920.O wondi e Ceerno Abda hakke duuɓi 5.Ceerno Muntaqaa ko neɗɗo jinnooɗo ɗaɓɓude ganndal.Nde o ummiitii Haayrelaaw o fayi ko wuro ina wiyee jaataar to Ceerno Haamiidu Sih ngam jokkoyde jaŋde .O janngii e Ceerno Haamiidu Sih ko ena wona duuɓi 10.Caggal nde Ceerno Haamiidu sankii ,o ruttii kadi haayre laaw to Ceerno Mammadu Seynidiini Bah.O tarbinii e mum kadi duuɓi 6, o janngii toon kadi sariya e gannde toowɗe no feewi sanne.caggal ɗuum o ruttitii ɓoggee ngam jannginoyde.Ko e oon sahaa almudɓe puɗɗii rewde e makko ngam ɗaɓɓude ganndal.
O umminoo ɓoggee ko e hitande 1947 ngam yahde Ndakaaru to gooto e jiknaaɓe makko, oon woni Ceerno Saydu Nuuru Taal. O woni junngo mum ñaamo. Nde ceerno Saydu Nuuru ruttinoo e joom mum kanko Ceerno Muntaqaa o lomtii ɗum.Teskoɗee!!!! Ko ceerno Muntaqaa adinoo fuɗɗude mawluuda e nder Ndakaaru e hitaande 1947,mawluuda o waɗanoo ko galle Baaba Njaay to laawol(rue 6) kanko e ceerno Aamadu Sih e Ceerno e Ceerno Sileymaani Braa Wan e Ceerno Ngaabu ekn…Nde yahi haa juuti o felliti o waɗti wadde mawluuda o to leegal Mediina caggal ɗuum kadi o nawti ɗum kadi to Halwaar(leegal e nder faas Ndakaaru). o sosi hadara ngam renndinde denndaangal ɓiɓɓe juulɓe yowitiiɓe e seeknaa Ahmadu Tijjaani ko fayti e wirdu(waajiifa,asuru jumaa) e hitaande 1980 o rokkaa hettere leydi,ko e mayre nii kanko e ceerno Saydu Nuuru Taal ɓe mbirnaa.nde ɗuum ɓenni miijo jolani mo mahde jumaa o inniri ɗum Alhajji Umaar Taal.E hitaande 1944 miijo arani mo artiroyde gooski Abdullaay Taal to leydi farayse ena wondi e silaama diine ka Alhajji umaar Taal fellirtunoo Diine.nde ka addaa nde ko tuubakooɓe cekki ka haa ɗo e ndakaaru.(miin mi yiyiika)ɓe tawiino kadi defterdu ndu ena waɗi ko ina tolnoo e 518 deftere. Maa en ngartoy heen.
kudol:Abdullaay Hammadi Saar golloowo to radio oxyjeunes Ndakaaru senegaal(www.yaakaare.com)
min mbeltiima e kbaru he sabu min ngan ndihen ko min ngandaano on njaraama
1ko weltaare nde njiytumi oo sit pulaar mo hono mum alaa.ko njiytumooni koo mi nattii yeeweede hay sahaa gooto.so alla on ngolli kala mo golli yoo jaare ,miin ne mi jaarii on.Abdullaay hammadi seydi saar mbaasaa guufnaade noon winndannde maa regiima etee wazii faayida ,etee a anndinii ve nganndaano.
2