Kawtal janngooɓe pulaar(fulfulde) K.J.P.F yuɓɓinii ñalɗi pinal to MANTU LA
JOLI to Dowla FRANCE,ñalnde 18/19 e 20 lewru Deesaambur hitaande 2009 ,
ñalɗi ɗi mbaɗaa ko to: “a la memoire de ” MAMMADU SAMMBA JOOP(MURTUƊO JOOP)jaalal leñol Fulɓe,mo ngannduɗaa sankiima gila ñalnde 11″ JUIN “to NUWASOT Dowla Moritani; (Yo yurmeende GENO won e makko kanko e denndaangal maaybe juulbe ).
Loowdi ñalɗi ɗii ko ni wayi :
Aljumaa 18/ 12/ 2009 -
15h haa 16h Udditgol ñalɗi ɗii

16h haa 18h Yeewtere nguurndam Ceerno MURTUDO tawo yeewtata ɗum ko HABII JAKARIYAA KONTE
20h haa 23h 30 : Hiirde awluɓe e wammbaaɓe kam e pekaan DAWUUDA SAMMBA JEEY.
Aset 19/ 12/ 2009 14h 30 haa 18h : Cuɓogol paɗɗuɗo fulɓe e SAYDU ABAAS jalniyanke mawɗo .
20h haa 23h30 : Hiirde nalankooɓe MAMMADU DEM e NDEYI KUMMBA JAH.
Alet 20/ 12/ 2009
14h30 haa18h :Naayo fulbe
20h feewde yeeso : Hiirde AYSE GISE mo RTS .
Ñalɗi ɗii ngudditirii ko konngol hooreejo KJPF : SAYDU BAH , bismaango e njettoor tawtoraaɓe ɓe , e yaafnaade ko saabii ñalɗi ɗi mbaɗi e oo ɗoo sahaa keewɗo ɓuuɓol .
Caggal ɗuum MAMMADU ABDUL SEK Koolaaɗo kuuɓal KJPF ƴefti konngol waɗi
“presentation”denndaangal tawtoraaɓe ɓe .
Rewi heen ko yeewtere HABII JAKARIYAA KONTE ko feewti e nguurndam Ceerno
MURTUƊO ,Nguurndam Ceerno MURTUDO wayi kono maayo geec nih , kala ko haalaa e
ɗam nguurndam to batte moƴƴere e ngenndiyankaagal ko heddii haalaaka ko buri heewde! .
O jibinaa ko Mbaañ ( MORITANI)e hitaande 1942 o janngi duɗal garwaniiwal ko
BOGGE e diiwaan Halayɓe,jande makko e duɗal ɗimmal ko NDAR (SENEGAAL)o waɗi ɗum,o wonii DUWAAÑ e nder Leydi Moritani,caggal nde o yalti o janngoyi to Leydi URSS(RIISI)o waɗii toon duuɓi keewɗi,haa o
dañi toon seedanteeje keewɗe o janngii e duɗal jaaɓi haaɗtide biyeteengal
“SORBONE”to dowla FARAYSE o sosii landa mbiyeteeka: DEKALEM (ka Heptinaa ko nde o
maayi nde ),o ɗaccii sukaaɓe ɗiɗo Rewɓe omo jeyaa e sosɓe KJPF ,O majjiinoe nguurndam makko 
duuɓi jeegom,ko nde o feeñti nde,o artidi e rafi noppi ɗii(Pahɗugol) muusngol, KJPF e
Fedde fulɓe Itali (AFI) e pelle goɗɗe ndarinooma e safaara makko no feewi .
heewɓe ceedtiima e makko geɗe baɗɗe faayiida no feewi, ko wayno ABDULLAY KEBE (Dipitee Moritaninaajo) jaahdiiɗo makko gila 1963 , Katante leñol , Abbaas Jallo ,Yaayaa Dem ,Saydu Bah ,Feetere Jeyngol , Dembel Sal , Sammba Cooyel Bah e woɗɓe…
O waɗii kala ko ngenndiyanke fotnoo waɗande leñol mum. Heddii ko yo ƴeewe
mbele ko o ligginoo ko fof ene renndinee waɗee DEFTERDU .
Caggal ɗuum diɗɗal Awluɓe Rewɓe njimii daaɗe yelaa belɗe rewi heen ko diɗɗal
Wammbaaɓe e gardogol ALHAJJI BUUBU BAH kodi gaaci belɗi , hiirde nde gasiri ko
jimɗi finniyankooji ɗi DAAWUUDA SAMMBA JEEYI e pekaan makko belɗo.
Ñalawma ɗimmo o huccanaa ko cuɓogol paɗɗuɗo Fulɓe , sukaaɓe Rewɓe yooɗɓe yontaaɓe narɗuɓe,nawi Raay o,ɗafti ɓe ko biyateeɗo: KUMMBA SOH.
SAYDU ABASAA jalniyanke mawɗo itti yimɓe yeeweende .e Cubbel naalanke jirwuɗo o yimi cosaan belɗo
Ñalawma tataɓo o rewɓe Fulɓe mooriiɓe cosaan narolii cosaan ñaaƴi ñaaƴo waɗngo faayiida rewi heen ko hiirde AYSE GIS mo RTS.
Tesko : Ñalnde Alet 20/ 12/ 2009 subaka Biyeteeɗo ALIWU MOHAMMADU mo KAMERUN
jannginoowo to duɗal jaaɓi haatirde biyeteengal INALCO ( FARAYSE) e jom suudu
mum URSULAA BAN “(Proff ; ORALITE et LITTERATURE à l INALCO ) njeewtii to nokku
KJPF yeewtere heewnde faayiida ko feewti e jande PULAAR e nafoore mum .ene
tawtoraa MELANIE ( debbo tuubaako Faraysenaajo janngoowo to dudal INALCO o
waɗii “DOCTORAT” makko ko e “LITTERATURE PEUL”.
Ene foti teskeede kadi hirjino ngo waasde yaajneede sabu pelle keewde
ngoytiima waasde ɗumen tintineede ñalɗi ɗi
MAWNDU GISE : Koolaaɗo Kuuɓal Goomu Pinal Fedde Fulɓe ITALI 
                          DEMMBA JEEWO WAN DOWLA ITALI WWW.YAAKAARE.COM