Muhammed Wul Abdul Asiis hooreejo Leydi ndii,artii ɗoo hanki kikiiɗe,caggal ɗanngal ngal o waɗi to Leydi Tirki e to Leydi Iran.

toon to Leydi Tirki o heɓii yeewtidde e ardiiɓe ndiin Leydi,ko yowitii e jotondiral e kuutondiral moƴƴal,gonngal hakkunde Leyɗeele ɗee ɗiɗi,o siifondiraama kaayitaaji nanondire e gollondire e ko ene ɓamta faggudu e mbaylaande Leydi Moritani,ko toon e AKRA kadi,o dami jooɗodaade e nootoyaade hiraande,nde teddiniri mo ɗum Worɓe goole Tirki,o waawii hucitinde e ɗaɓɓude e maɓɓe,nde ɓe kuccitinta hakkillaaji maɓɓe e yiɗde yeñcinde jawɗeele maɓɓe to Moritani,gardiiɗo Fedde Worɓe Golle”Oom dafeer en”o hollii weltaare makko e ɗaɓɓaande Jeneraal Persidaa ndee,o wiy:maa ɗuum won e kuccam golle makko.

to Leydi Iran,o yiydii e Ahmed Najjaadii gardiiɗo ndiin leydi,ene jeyaa e ko ɓuri teskinde e ko ɓe kolliti,wonde Leyɗe ɗee kala ene poti jotondirde e wallondirde,haa teenti noon hakkunde:Moritani e Iran,sabu ko kañje njiidi Yumma e Baaba”Rippoobilik Islaamik IRAN e Rippoobilik Islaamik Moritani”ɗuum ton yonii fotde ɓe jaggondirde e yiɗondirde,kam e wallondirde…ko e ɗuum ɓe ciifi toon nanondire e ballondire,ngam Leydi Iran ndii walla Moritani e mahngo Leydi mum,kam e ɓamtaare ndema e geɗe goɗɗe jowitiiɗe e mbaylaandi.     Nwaasoot Haymuud wul  Seyku    mo      YAAKAARE.COM