MO LOPPI GUUROOWO, YALTA MAAYAANI !!!
Leydi yerɓii to HAYTII,ñande 12 Siilo”Saamwiyee”2010,yerɓannde nde hono mum e bonde,heewaani ɗo waɗi e winndere hee.
ndee ɗoo yerɓannde waɗnoo ko ñande Talaata 12 Siilo 2010 mbiyɗen,caggal nde nde waɗi,fotde balɗe 15,Faabotooɓe Faraysenaaɓe yahɓe toon walloyde e heɓɓitoyaade ɓe,ɓe mbaawii yooltude hannde,Suka Debbo ene yahra e duuɓi 16,ɓe njaltini mo ko e nder ɓale ɗoo jookino,ɗum ko to Porto Perense Laamorgo Haytii,ɓe kollitii kamɓe wallooɓe(Faabotooɓe)Faraysenaaɓe ɓee,ɓe njaltini mo to les ɓale kuɓeeje jirbuɗe,omo tampi no feewi,omo fooƴi,haa o ɗaawni,ɗaawnugol caɗtungol! ko ɗuum waɗi nde ɓe njaltini mom tan,alah ko ɓe mbaɗi so wonaa heñaade e nawde mom,to Safrorde sompaande e nder Liisee(Janngirde) Faraysenaaɓe,”Liisee”gonɗo e nder Leydi Haytii e Laamorgo mum Porto Perense.
ko yerɓannde ndee waɗi koo e jooni,kamɓe Faabotooɓe ɓee,ɓe mbaawii heɓɓitaade e faabaade,ko ene tolnoo e 135 Neɗɗo guurɗo,mo ɓe njaltini e nder ɓale,ɗo ɗooɗe njoorinoo e dow mumen,tawi alah fof ko wonnoo e yeeso ɓeen,so wonah maayde…
tawnoo ndee ɗoo yerɓannde ko nde bonnde no feewi,ko ɗuum waɗi ko maayi e mayre koo,so meeɗii waɗde ne wayrii no feewi,sabu ko feeñi anndaa koo tan,woni 250,000 haa 350,000 Neɗɗo Maayɗo,ɗu ko ko heɓi yiyeede koo tan woni ɗoo,won loŋiiɓe e nder ɓale,ngeɗu rokkaan ɗum en,dañde faabeede tawo.
Hoyreejo Leydi Haytii hono:RENE PERWEL,oon e Hoyre mum hannde,ko e jaakre mawnde no feewi o woni!!!sabu yerɓannde ndee,woppanaani mo hay Galle Laamorɗe ɗee,ɗo o hoɗnoo ɗoo,fof ko ko yani ene tarbondiri.
ñande Talaata ɓennuɗo ɗoo o,Faabotooɓe Ameriknaaɓe wonɓe toon e Haytii,ɓe ndañii kamɓe ne,faabaade Gorko ene yahra e duuɓi 31,ɓe corti mo too ɓilinoo e nder ɓale jirbuɗe ene njoowondiri…
ko gaañii e ko ala ɗo hoɗi,hannde e nder Haytii ene ɓura Miliyoŋaaji tati:3000,000 Neɗɗo,ɓee ɗoo kala,nana njooɗii e boowal,ngalaa ɗo koɗi,ngalaa ko njari,wonaa ko cafrorii,saka ko ñaami!!! A.kelli@yaakaare.com
Ceerno Abda Sambu mi salminiima no feewi,min mbeltiima e golle ma,kadi min laaɓaama aɗa yiɗi ɗemngal ngal,aɗa goongɗini goodal Leñol ngol tigi rigi!.
1e min ñaagi ma nde ɓeydataa darnde e gollude,kam e gollirde denndaangal geɗe ɗe ɓeyditoriɗa e nguurndam to Leydi men Senegaal,ngam wona ballal ma e wuurnude ɗemngal ngal…
so tawii ko naamndal maa e ko tagi Allah ene wara Miskineeɓe Haytii ko kewi koo?
ko adii fof minen ko min Juulɓe!kala ko min kaala min tonngotoo tan ko e haala Allah(Deftere Kuraana,)ko kanko jeyi Tagoore ndee,ko weli mo kala o waɗa heen,ko noon o wiyii e Deftere makko:”Allah waylatah ko o rokkunoo Yimɓe makko,so wonah tawa Yimɓe ɓee mbaylu(ngoppu)ko potnoo waɗde koo”.
eɗen nganndi noon ko waɗi Haytii ko,ko huunde muusnde,hulɓiniinde,haaɓniinde no feewi!ko no kadi en keednii heen Allah baɗɗo ɗum o,yoo lomtin ɗoon yurmeende e kisal,o holla ɓerɗe men ɗee laawol peewal!ndewen heen!.
MI JANNGII PULAAR DUUBI JOYI TO E SENEGAALI WURO INA WIYE GAABU SARA MARSA WALLA GUDIIRI E BUNNDU.MI WELTIKE SANNE SANNE E NGAL PORTAL YAAKAARE.COM.GILA MI ARTI MI YIYAANI PULAAR INA WINNDAA ,SABU MI YIDAA YEJJITDE PULAAR ,KONO MI WIYIINO PULAAR ALAA HAY DARA E NGUURNDAM KESAMHESAM KONO NDE MI YIYI YAAKAARE MI TAWII KO MAJJUDE MI ANNDI.TO LEYDI HAITI KO MISKINEEBE E NDER WINDURU HEE,HOL KO TAGI ALLA INA LORLA MISKINEEBE?NJAABODEE KAM .MI WELTIIMA E MON ONON KALA MIIN KO JOHN BARNETT PEACE CORP WONI INNDAM ,KONO NGANNDIRAAMI TO GAABU KO ABDA SAMBY KO MI AMERICAIN KALOWO PULAR BINNDOOWO PULAAR A JAARAMA
2seydi kelli so tawii ko goonga ko allah tankay wawi sabu baldhe poddhe nii aadee nyaanaani yaaraani ina wuri ,ko heddii ko hol no mbadhirten fedde ballal ko fayitoon?yaakaarenaabhe mi yetti on no feewi e golle mon
3