teskaama e kala hitaande siyaara o ena besdoo heewde faayiida to bannge njuɓɓudi e to bannge
keewal yimɓe noototooɓe bannge yoo bannge e winndere nde.ñande ñalawma mo laamu nootii nde oon kikiiɗe hawrunoo ko ñande Alet,kono siyaara o fuɗɗinoo ko ñande 21 ndu lewru Siilo,o duumii haa ñnde 25 mayru. ñane Alet nde Ceerno Madaani Muntaga ɓiy Ceerno Muntaqa(tawi kadi hannde ko kanko woni Lomto e Galle hee)o yettii nokku ɗo siyaara o waɗatee ɗoo,ɗum waɗno ko hedde waktuuji 5 kikiiɗe,o ari tawi o mo wondi e sete moolanaaɗo moolee,Soofaaji”poliseeji” ena cekki mo,yeeso e cagal,Seernaaɓe e Hilifaaɓe Diine e Aada ena ngarda gooto gooto,haa nokkuure ndee heewi,hay a dañatah ɗo tuutɗaa hakke keewal yimɓe.Ko arnoo toon bannge Seremɓe Waliyaaɓe laaɓɓe e Mawɓe Aada,ñande heen limotaako e gulle peɗeeli kono en teskiima heen Ceerno Alasan Bari,Ceerno Basiiru Taal mo Luga,ekn… ñande heen Ceerno Saydu Nuuru Bah mo Paate Galo haaliino ko heewi faayiida no feewi to bannge Kodda Aadama Ayse,alaa mo weltaaki, ñande heen nde wonno ko joom buru loppata boru mum, kala ko saami hocca waɗta e Wowru,sabu yimɓe ena nganndi ko o ganndo daartol sayku Umar Taal no feewi sanne.Ceerno Alasan Abuu Bari mo HAKKILLE kUBBUDO BAAWDO haalde gannduɗo ko haalata,gannduɗo ɓe haaldata , gannduɗo ɗo haalata ,gannduɗo ɗo foti haalde e ɗo fataani haalde, gannduɗo ɗo haadata belɗo sawtawol,juɓɓuɗo konngi,gannɗo,wiɗtiyanke nde o tottaa konngol aduna o fof wiyi sinno ko sago o wopataa konngol kono tan tawi ko sahaa o faaɗii etee ko rennduɓe peccata.Heewɓe kaalii heen.

To bannge laamu ,arnoo e innde laamu ngu ko Bekkaay joob jaagorgal kalfinaangal ndeenka leydi senegaal, kaalidu jallo jaaagorgal nehdi e sukaabe,Aliyuun joob ,Ayda mbooc ekn..nde o tottaa konngol o haalnoo ko e farayse o wiyaa so o gasnii yo fir ɗum e pulaar,owaɗti ɗum e pulaar laaɓɗo cer! o hollitiino heen ko lislaam wiyi :yiɗi ko jam,leydi ndi yiɗi ko jam,kala gaddoowo bone e mayri yo yimɓe kaɓ e mum…so ɗum yawtii,kala nde siyaara o saakii,omo yiɗi yoo ɓeto waɗe ƴeewee kala ko feewaani heen,Laamu ngu hollite,ngam waawa heblanaade ko arta,tawa alah ko ŋakkata goɗngol,ko noon kadi o hollitiri,so tawii won ko ŋakki e njuɓɓudi ndii,ko e maɓɓe,kamɓe ɓe Ŋabdullaay Wadda neli ɓee,ko no wonah e Wadda kam,sabu Abdullaay adda,yamiriiɓe yo ɓe mbaɗ heen kala ko ene moƴƴina Siyaara ka.

To bannge yimɓe dawrugol,walla yimɓe Dawrugol”politik” luutndiɓe,arnoo heen ko ko Wayi no Tanoor jeng mo lannda AFP,Makki Sal mo lannda Apr,Jubo Leyti kah mo lannda Urd,oon araani kono nelaaɗo makko arii.Laamɗo Leydi Maruk neli ko Koolaaɗo mum,yo ar tawtoree golle Siyaara ka,kanko neelaaɗo Muhammed Jeegoɓo oo,waɗii ɗoon futuro wooto ko kanko juulnunoo dental ngal.

e ndaɓɓa nafoowa!Rewo e worgo fuɗnaange e hiirnaange haa teenti kadi e ɓesngu Taalɓe to Mali,Niiseer,Moritani,Misra…hay gooto heddaaki!moni kala arii,waɗii ko kam tan jeyi malawma ka,Siyaara hikka kaa,wayii kala no watnoo moƴƴa.
 Kudol:Abdullaay H saar mo Rajo oxyjeunesfm WWW.YAAKAARE.COM