Ngoota e Laaɗe ndeenka diƴƴe Maayo Atalatik ngo Moritani,ene yoolii e ñalawma hanki hee,to tolnde falnde Wuro Njaagu,hedde keerol Moritani e Senegaal,ɗum waɗi ko e diwaan ɓuɗo ɓadaade Wuro Ndar Senegaal.

kabruuji kollitii kaa ɗoo Laana ndeenka,tawi wonnoo e makko ko Koninkooɓe ɗiɗo”Maree”en,ka yuwii toon,e ka waɗi yimɓe,won wiyɓe ko ɓe tato,won wiyɓe ko ɓe njoyo,ko laaɓi heen koo tan,ko caggal nde ka riddi laana ngujjatnoka ene awa,tawi alaa yamiroore awde e nder Maayo Moritani,ko ndeen ɓe kawri e sooyre mawnde,bempeƴƴe mum mbaklitika,ko ɗoon ka heddii e nder maayo,wonnooɓe heen ɓee lummbii,haa ƴeeŋi dow,hawri e Oto Taraspoo ene yaha,ko oon Oto hocciɓe,ko no Mawɗo Laana ka(hono Kapiteen oo)oon ƴeeŋaani,gila ndeen noon ko e njiylaw wonaa,kanko Mawɗo jooliiɗo oo noon,ko o Ñalli”Siwil”o wiyatee ko Ismaaiila Wul Amarna,o jeyaa ko wuro ene wiyee :Kaahira,won ngo sara Wuro Njaagu ngoo e hoyre mum,o yahrata ko e duuɓi 35,haa jooni eɓena njiyloo,so tawii ko kanko tan,walla so tawii wn ɓe o yoolodii woɗɓe,suwaa tawo laaɓde.

kamɓe ƴentuɓe ɓe noon,ɓe mbaɗaama e Oto nawi ɓe Safrorde Rooso,caggal ɗuum ɓe ɓenninaa ɗoo e Nuwaasoot,ngam ɓe mbaawa safraade.Rokki kabaaru o,ko: ANI e takadumi.        A.Kelli@yaakaare.com