Ko ina tolnoo e yimɓe sappo Ameriknaaɓe ,yahnooɓe heɓɓitoyaade caɗeele gondaaɗe to leydi Haiti e innde misiyoneer en(Baptist missionaires) pawaama kuugal daho (nguyka)sukaaɓe doofolɓe,ko ina tolnoo e capanɗe tati e tati(33)culalel.Ngaal nanngal waɗi ko ñalnde 29 lewru saamwiyee to keerol Haiti e Domincan Republic.Caggal nde ɓe nanngaa ɓe kolliti ko wonaa nguyka ko yiɗde danndude sukaaɓe ɓe,sabu ko heewi heen ko baayeeji walla jiknaaɓe mum en ngalaa ko nguurniri koye mum en saka sukaaɓe ɓee, kadi e wiyde maɓɓe ko sukaaɓe hannde ngontoyta fayndaare janngo,ko ɗuum saabi min njiɗi ko danndude ɓe e ɗee caɗeele yerɓannde,min cafroyaaɓe min nehaɓe min njannginaɓe…..
Kono caggal nde jaagorngal kalfinaangal ko fayti e ñaawoore toownde biyateeɗo COQ jooɗodii e maɓɓe e palol gadanol ñalnde talaata 2 saamwiyee e alarba 3 saamwiyee ngam hoolsindiiɓe.ko heen o tuugnii fawde ɓe nguyka .Sabu e konngol makko ko hay kaayit gooto golliroowo ko ɓe yamiraaɓe yaltinde cukalon ko e nder leydi hee ina nawa to Dominican Republic, wonaa ɗeerewol ummi ngol e laamu walla no keɓri sukaaɓe ɓe.Caggal nde o yuurnitii kuule ko fayti e daho(kidnapping)o habrii aɓe poti faweede kuule2.kuulal gadanal ngal ko: Moni heen kala ita foti sokeede duuɓi joy haa sappo e joy.kuulal ɗiɗaɓal ngal ko ko yowitii e battam-mbonaagu(criminal association) ngaal ne ñaawoore mum ko duuɓi 3 haa 9.Ministeer kalfinaa beraa(ministre de la comunication) Marie Laurence Jocelyn wiyi: ko ñalngu ñaawoore ndee suwaa tawo eɓɓede.Jaayndiyankooɓe kollitii hono majistaraa mawɗo oo hono Mazar Forlil e Jeane Bernard Pierre(Ministre des affaires sociales)njaɓaani tawo haalde heen e nder jonnde hee.Nde yahi haa 5eer kikiiɗe ko ndeer ammbaasadeer amerik biyateeɗo Kenneth Merten yetti e jonnde hee”[so en nduttiima mbiyen ndeen jonnde to jooɗaa ɗo, ko ɗoon persidaa Haiti hono Rene Preval e jaagorɗe leydi ndii kala moolii gila nde yerɓannde ndee dilli ,yanti heen ko ɗoon Ameriknaaɓe ɓee cokaa hade nokku goɗɗo heɓeede"].Kanko ammbasadeer amerik oo wo hollitii wonde amerik suwaa tawo hoolsindaade,kono jooni kam Haiti yoo faw heen junngo mum kono woto toosnu haa amerik yuurnitoo.jooninoon mbele Ko safaara wonti ñawu?Walla ko bambaaɗo ŋati bamboowo? miijooji mon…….
Ibraahiima lih(yaakaare.com) NDAAR AYAAWO NGOO