Gorgol mum Hoyreejo Leydi Ameri biyateeɗo Barak Obama nana ɗaɓɓa no dañiri moolaade to Amerik,ooɗoo Dewbo biyateeɗo:SEYTUUNA ONIYANNJOO,ko o Gorgol mum Obama,tawi kanko e Baaba mum Obama ɓe ngonaa seekodaaɓe(ko o Gorgilaaɗo Enɗam tan,o jiydaani e Baaba mum Obama Yumma e Baaba),o meeɗiino arde e Amerik,gila e hitaande 2004,ndeen ko Obama noddunoo mo,ngam o tawtoree goondgol mum,tuma nde heɓi jappeere e suudu sarɗiyeeji ɗimmuru”SENAATOOR”caggal ɗuum o hooti Keeñiya,kono kadi o ariino Koreeji Obama njillu to LOS ENJELOS,e hitaande 2004 hee,tawi ko Wiisaa njillu(Banngotooɗo)ko ndeen o ɗaɓɓi dañde yamiroore moolayru,kono o dañaani ɗum ndeen,ko ɗoon Ñaawirde ndee riiwi mo yoo yaltu Amerik kono o yaltaani,o heddii e mayri e suuɗo suuɗoondu,ko ɗuum waɗi nde Obama naatani yiɗde toɗɗeede ndee,ɓe naamndiima ɗum,so tawii omo anndi Gorgol makko oo,ko woni e dow mum koo ?

o miy:mi meeɗaa anndude ko e suuɗo suuɗoondu o woni!.

ONIYANNJOO addaama hannde to ñaawirde too,omo woni e Puus Puus,omo jogii sawru e junngo makko,e wiyde Kenndotooɗo makko”Amwooka”biyateeɗo:MARGARIT WUÑNJO,wiy:o sellaani ɗoo woni ɗoo,ko ɗuum waɗi o fotaani yaltineede Leydi ndii,o woni ko e safaara,seede mum ko maa Safrooɓe ɗiɗo ngar seedtanaade mo wonde o wonaa celluɗo!e ko haalooɓe ɓee mbiy:wonde Obama wallaani mo e ngol laawol e no o dañiri Wiisa,ko e peeje makko e laabi dewateeɗi ɗii tan o dañiri ɗum,haa ɗoo jooni Obama wiy ko ɗuum naworaani ɗum,yoo Ñaawirde ndee waɗ ko foti wonde koo,kanko o naataani heen!. BUUBU JALLO     JONAAƊO    WWW.YAAKAARE.COM    KIIFA  MORITANI