Mammadu Tañnja hoyreejo Leydi Niiseer,mo ngannduɗa arii e jappeere Laamu Niiseer,gila e nder hitaande 1999,caggal ɗuum o waɗi Toɗɗe”Woote”ɗe ngannduɗaa o hawii,e poolgu ngu alaa guli,ɗeen toɗɗe ngonno ko e 2004.

Mammadu Tañnja fotnoo gasnude daawal Laamu mum ko e nder hitaande 2009 yawtunde ɗoo ndee,kono yiɗde Laamu e ndeereeru woppaani,haa ko ɗuum saabii,o wayli kule Ngenndi Niiseer,ngam o waawa jooɗtaade e jappeere hee,haa hitaande 2012,o ɓeydi daawal Jooɗagol e jappeere ndee,ɗo wonno duuɓi ɗiɗi,o waɗti ɗum duuɓi joy,o liɓi Suudu Sarɗiyeeji…ko ndeen o darii kadi o yuɓɓini Woote ɗe ngalaa ɗo pawii,so wonaa tan yiɗde rottude Laña,tekkina bannge mum!Rottordu ndu  ngannduɗaa jibinanii mo woroɗde muusnde,to nder e caggal Leydimakko kala,sabu ɗeen toɗɗe ko Winndere ndee kala yeddi,salii ɗum,haa ɗuum jibinani mo  yoweede e Fedde Komanwelso,Faranko Foni…

Ko ndee ɗoo dillere hawñitii ɗoo hannde koo,Leydi Farayse e konngol Jaagorgal mum kalfinaangal geɗe caggal Leydi,yamirii yoo ɓesngu Farayse ngonngu e nder Niiseer,yo ɓe ndeeƴtu e galleeji maɓɓe!!!sabu eɗen nganndi  fotde 1500 Faraysenaajo ene mbaali e nder Leydi hee,tawi kadi ko ɓuri heewde e maɓɓe ngollotoo ko e nder Oogirɗe IRAÑOM,mo ngannduɗaa ko Leydi Niiseer ndii woni tataɓiri e waawde yeñcinde IRAÑOM e winndere ndee kala.

Waɗi Farayse yamirde ɓesngu  muuɗum ngonngu toon,e nder Niiseer yoo curo ndeeƴta e nder koɗorɗe mumen,ko sabu naneede piyanɗe ŋeerɗe,fetellaaji mawɗi e tokoosi,to Galle Mawɗo Leydi too,haa jooni,kamɓe Faraysenaaɓe ɓee,ɓe mbiy:won Koninkooɓe nayo 4 kam puɗɗii yiyeedeene  maayi heen,ko noon kadi ɓe kollitiri wonde hay Mammadu Tañnja Hoyreejo Leydi ndii,oon e hoyre mum! ɗo woni ɗoo,o alaa e jam,saka noon e kisal!ɓe kaaɗi ɗoon.

Ko selli koo tan,ko Leydi Niiseer  woni ɗoo jooni ɗo ngon ɗen ko e Follo”KUUDETA”Koninkooɓe,so Mammadu wuurii anndaaka,so o maayii kay ne! jommbaani!. Abdul  Kelli    WWW.yaakaare.com