Fedde wiyateende Dental Pinal Diine Islaam ene fiɓi yuɓɓinde ñalɗi pinal e wiɗto,ɗi ɓe ngaadorino yuɓɓinde e kala hitaande,gila ñande Fedde ndee sosaa  feewi hikka,ɗoo jooni noon yontaa ko Moritani e gardagol: MUHMMED HAAFIS EL NAHWII,Almaami juma Sitee Laspalmaas,ɗoo e Nuwaasoot.

Nde ɗoo Fedde ko nde Winndereyankoore,e nde yuɓɓina hono ɗII ɗoo Ñalɗi e kala hitaande,hikka ɗoo ɗo Moritani yontaa,hawritii e njuɓɓudi kesiri ene tippaa e golle mayre,ndiin njuɓɓudi woni waɗde njeenaaje,tawa ko e inɗe Annduɓe Diine ɓennuɓe,ɓe Joomiraaɗo nawti,suddi ɗum en leppi yurmeende.

Njeenaari ngadanndi ndii,Moritani nawii teddungal mum,sabu mum fuɗɗeede e nder Leydi hee,kono kadi to  bannge goɗɗo oo,Fuuta hooniima,weltaare woodanii Fuutankooɓe,sabu ndii ɗoo Njeenaari ngadanndi inniraa ɗum ko:SAYKO UMAR AL FUUTIYU TAAL,teddiniraa yoo ar jaɓa ndi e junngo mum,ko Lomto Ceerno Muntaga Taal,hono Ceerno Madaane Taal,joɗnde ndee noon fuɗɗotoo golle mum ko Ñande 22/02/2010 to “Palee de Kongre”ɗoo e  uwaasoot,Ñande 23/02/2010 golle ɗee njokkata ko to Duɗal Jaaɓi Haaɗtirde Pinal Diine Islaam ɗoo e NKST,ñande  24/02/2010 ko to Dingiral Juma NAHWII ɗoo e SEKA,e nder golle hee,winndooɓe Daarti noddaama yoo ngar,moni kala winnda ko annduno e Sayko Umar Fuutiyu Taal,ɗuum kadi ene waɗi njeenaaje mum keeriiɗe,tawi woni faandaare ndee ko yiɗde wuurtinde e softinde Wiɗtiyankooɓe men,nde mbinndata e Anndiɓe men e ndol ɗoo laawol noon,winndatee tan ko e Sayko Umar Taal,ko kanko yintaa… ko ɗoon wonata joofnirde golle ɗee,ko ɗoon kadi Ceerno men,Ceerno Mane Muntaga Amadu Muntaga Taal,heɓata Njeenaari Sayko Umar Fuutiyu Taal e junngo mum,caggal ɗuum ma o waɗ konngol njettoor,Juulɓe ɓee fof,feewde e ndee ɗoo Fedde,ɗuum  ko e mbaydi kuuɓtodinndi,e mbaydi keeriindi,ma o waɗ konngal njettoor Fuutankooɓe e weltaare mum en  e golle ndee ɗoo Fedde,yiynde goonga holliti ɗum Juulɓe,tawi jogiri janngude konngol ngol ko Ceerno men: MAMMADU AMADU KELLI e yamiroore   CEERNO MADAANE  TAAL.   Abdul Kelli           WWW.YAAKAARE.COM