to wuro men Nuwaadibu e ko kabaruuji kolliti wonde:Dental Pedle yeeyooɓe Mburu e nder ndeen Falnde,ƴettii pellital nattude yeeyde Loocol mburu tokooso,jaroowo 40 mbuuɗu,ɓe kolliti hankadi ko Loocol 100 tan ɓe mbaɗata,ko ɗuum woni ko ɓe nanondiri yoo Fuuruuji maɓɓe piy.

ndeen ɓe pinii,ɓe ndawri ɗuum,ko ɗoon Sanɗaaji Duɗe NDB kala njalti njoryorti,njippii e mbeddaaji ene kela ene piya…Wuro ngoo jiiɓii,boli ɗii coki,laabi ɗii uddi,haa nde Koninkooɓe ɓee ngari,cokkii e maɓɓe,ngardi e doole mum en ganndaaɗe,gaadoraaɗe ɗee,ko ɗoon ɓe cari, ɓe carki Sanɗaaji ɗii,kono ɗii ɗoo Sanɗaaji,kollitii wonde ɓe lelnataa ndee ɗoo darnde,so wonah ndee ɗoo fiɓnde nde Juɗooɓe mburu ƴetti bona! sabu anndude Sanɗaaji ɗii,wanaa Neɗɗo fof waawi soodde Loocol 100,won finooɓe,tawa hay ngol 40 ngol mbaawaa ɗum soodde,tawa kadi ɓeen ko ɓesɓe,kadi so tawii ɓe ngoppaama ɓe ciinii ndee ɗoo eɓɓaande,ma ɓe ngaddu  goɗɗum ɓe pawa e dow Roofolɓe ɓee,tawa alah ko mbaawi e maɓɓe,ɗum noon Sanɗaaji ɗii nganndii:Bone ficcat laaci,moƴƴi ko surtee gila ɓurtaani juuɗe!. BAYLA MALAL JALLO WWW.YAAKAARE.COM     NDB Moritani