Moritani nodditii jo

Kadi, sabu dillere waɗnoode hakunde Moritani e Senegaal e hitande 1989 ene woni e hakillaaji taw haa jooni yaltaani. Leydi Moritani nodditii ñande altine nde jooɗaninooɗo ɗuum to  Bamako ngam diisodiral. Addi haala hakunde leyɗeele ɗe ɗiɗi noon, ko  goppitgol waɗboniiɓe(Ownooɓe:Terorite en) sokanooɓe to Bamako Laamorgo Mali. Moritani wiy ko Mali heddaaki e nanondire  mum en to bannge ñaawoore. Sabu Moritaninaajo gonnooɗo ton ene sokaa oo, Nuuwasot wiyno ko yoo Bamako neltir  mo Moritani,mbele omo ñaawe.

E oon saha mo Mali woppiti mo yoo yah o tawtoya Koreeji makko Ownooɓe ɓee,Moritani jogiima mettere,mawnde no fewi e ngol ɗo goppitgol.

Gila leydi Moritani ndi holliti ɗuum leydi Mali,ha nodditi jooɗaninooɗo ɗuum toon, Moritaninaaɓe ko feciiɓe. Won wiyɓeLleydi Moritani yaawii waɗde ni. Heddiiɓe ɓe ene mbiya leydi Mali ene joogii goonga e ko waɗi ko,sabu Moritani jimaani ɗum,jibinaani ɗum!.

Ko waawi heen  wonde kala, kulhuli ene ngoodi e oo ɗo saha hakkunde Leyɗeele ɗe ɗiɗi.

Ɗuum fof  ko leydi Farayse ndii e hoyre mum saabii ɗum,Sabu yiɗde ɓe yo Neɗɗo maɓɓe, mo waɗboniiɓe ɓe ndaahi oo,yoo woppe.

Ɓeen waɗboniiɓe(Ownooɓe)ɓe  mbiyno ko so Mali wopani  yimɓe maɓɓe sokaaɓe Bamako ɓe,ko ɓe warooɓe yimɓe Farayse ɓe ɓe njaggi ɓee.

waɗde Mali woppri oo ɗoo Moritaninaajo Ownoowo tan,ko haa waɗa coodgu e Yimɓe Alkaayide Magreb Islaam ɓee.

Yo Geno waɗan en moƴƴere.

Mammadu Demmba Sih,  www.yaakaare.com