Leñol siftorte e nder miijooji,ittanee geɗal,sabu sawto o(wolandu ndu).
So en ndokki yeru e nder Leydi Gabon ko ɗemɗe 72 ngoni toon, kono Leydi ndi ko ɗemngal farayse huutorto e kala mbaydi, hakke ɗemɗe 72, so koɗal laamiima ɗum en, ine yona kalifaandi, so tawii a yehi senegaal ko farayse gollirte, ko wolof haaletee ko noon e Mali ko farayse gollirte ko bammbara haalete, Moritani ko Arab e Farayse gollirte ko sapatoore haalete, ko noon kala to njahɗa e Afrik ɓaleeɓe, alaa fof to ɗemngal gollirte tawa ko kanngal kadi haalete, tawa ko ngal kosamaawal, hay sinno ine woodi ko e ceɓe peɗeeli limete.

Mbaylen sawru mbaggu men, kaalen, ngolliren ɗemɗe kosamaaje, sabu ko ɗuum nafata en.
Caggal e limoore ko hikka waɗi duuɓi sappo ( 10 ) ko Unesco ine mawnina Ñalawma ɗemngal kosamaawal, ngannden koy! kala ngel mo leli ɗaanii, hay gooto wonaa pindinoowo ɗum, kala miijotooɗo Leñol mum ko ko yaɓɓaa,ɗaɓɓaa e makko, ko yo daro,o dadoo mbele o haala ha ɗemngal makko nane,daande makko ƴellitoo e nder renndooji heɓtine.
En mbiyii haalde ɗemngal mum ko e hare ndimaagu Leñol jeya, janngude ngal mum ko sodorde, winndude ngal mum ko ɓural e suuraare, ndeke noon so tawii aɗa yiɗi ɓurde,aɗa añi ɓureede,wone e sippirde e ɗuum.
Banndam mi eerimaa-ma e nde ndokkondirten juute, kaalden ngam wuura ɗemngal men.
yo wuur pulaar!ƴellitoo FulluldeKosamaawal men.
                                    Aliw yero sih   goomu    www.yaakaare.com