Ñande Alet ndee sahnga 9h00,jonaaɗo Yaakaare ene woni e Oto,Laawol hakkunde Ɓogge e Eeleega,hakkunde Gure ɗiɗi,Buu Hadiida e Ajelaat(Ajelaat noon ko tulde seen-seeno mawngo,ko ngo tulde juutnde,larbiinde e nder Diiwaan Barakna,ko kayre Wullum Seyki wiyno tuma nde o nannga ndee,o wiy:Jawdi bonii e seeno Ajelaa!!!).

nde min njoli haa woni 9h00,tawi min mbaɗtii sooynaade Seeno ngoo,ko ɗoon min cooynii Otooji ene mbappondira e dow Bolol ngol,heen gooto ko PADADO ɓaleejo,goɗɗo oo ko Helikse,ko Helikse oo ardino,Paradoo oo wirtii mo ɓenni,woni e falfalnude yeeso makko,Helikso oo ne woni e dogde mo,nde ke o ɓocitiima,o yaniri bannge nano,o daasorii oon bannge ko juuti,o waklitii,o dartii,o waɗi tolloo mbiririmbiri,o dartoyii bannge ñaamo Bolol ngol…ndeen min njettiima min tawi ko Oto asooɓe boyli,(Foorasuuji)ɓe ndawnoo koƁogge eɓe tiindii Ayuun,ko ɓe Otooji ɗiɗi,heen gooto ko Kamiyoŋ mawɗo ene jolni Tiwooji…wonno e Helikse o ko Sooninkooɓe ɗiɗo,ko Kayhayɗi ɓe njeyaa.
Tonngoode Helikse o ko:  41 47 AG 00.

ko yettere Geno mawnde noon,sabu alah e maaɓɓe maayɗo,kono kam ɓe ngaañiima,haa ɓe nawaa Safrirde Eeleega,ko no Parado caabiiɗo ngal gollal bonngal o,o yeeƴcitaaki ɓe boom,illee ko ɗoon o ɓuri dogde,e yiɗde wirnaade gite…tawno ɓadiiɓe nde ɗum waɗata ndee,ɓeen njanngaani,ko ɗuum waɗi hay Tonngoode ndee,ɓe ƴeewaani  jaggude ɗum. 
sabu haantoriɗde ɗee golle,mi ronkii anndude mbele Sofereeɓe Moritani ɓee,ɓe ngondi ko ɓe nganndaa kuule dognugol Otooji,walla ko yoorde ɓerɗe ɓolde ɓe ngondi ?. Abdul.kelli       WWW.YAAKAARE.COM