Koninkooɓe Leydi Moritani njanondirii e Alkayda en wambuɓe julankooɓe dorog,to Wuro wiyateengo LEMSAYRIIB,wonngo too e keerol Moritani e Mali,ɓe njanondirii toon njangu muusngu no feewi.

so en ciftorii gila hare hakkunde Moritani e ɓee ɗoo wiyateeɓe,Alkayda mo Magreb Islaamnaaɓe ɓee fuɗɗii,ko kamɓe Ownooɓe ɓee tan piyatnoo Konu Moritani nguu,ɓe mbara,ɓe ngaaña…kono ñalɗi ko jillotooɗi e ngol ɗoo laawol,ko Konu Moritani dañi e maɓɓe fartaŋŋe baɗɗo faayiida!caggal nde Moritani tini naatgol maɓɓe e nder Leydi mum,ko ɗoon Konu Ndiƴu neldaa toon,ngam faddoyaade ɓe,ndeen ɓe njeettondirii,ko ɗoon jayli ndilli,piyanɗe ɗojji,haa Konu Moritani wari e maɓɓe Yimɓe 3,waɗi e maɓɓe gaañiiɓe,ko ɗoon ɓe njebbilii Moritaninaaɓe ɓee njaggi e maɓɓe Yimɓe 20,e Otooji 6 tooyotaaji,e Kamiyoŋ mawɗo,tawi eɓe njolni Bariɗɗe gaaswaal e njogitaaje bonɗe,boomooje,gila e kure,Fetellaaji mawɗi e tokoosi…ne wondi e tonuuji joy Dorog,tawi ko kokkaayin dowrowo,waɗi heen gooto dogɗo,yahdi e Oto,ne sikka noon wonaa ɗoo e nder Leydi hee ɓe ummii,kadi wonaa ɗoo ɓe ummaninoo!ko ɓe yiɗnooɓe ɓodel tan no ɓe ɓenniri,kono heen ko waawnoo wonde fof,Konu Moritani weddiima ɓoggi e juuɗe maɓɓe e ɓena hannde oo e dummbirɗi Leydi Moritani. Malal Ali Bah NST WWW.YAAKAARE.COM