Hannde e oo ɗoo Alarba 03/03/10,yonaaɓe(Delegeeji)jeegom jannginooɓe e Duɗe hakkundeeje ɓe,ɓe njaggaama,caggal nde Goomu maɓɓe siddinii (sitinngo)yeeso Gollorde Jaagorgal kalfinaangal Jande Leydi ndi,ngam hollude calagolmaɓɓe e peeje Laamu nguu ƴetti,tawi ko jowitiiɗe e Pirimaaji njoɓɗeele maɓɓe,e yiɗde hollude wonde ko jannginooɓe ɓuri booreede engalɗoo kuulal,ne jeyaa kadi e ko ɓe njiɗnoo hollitde,ko calogol maɓɓe kiisngol e ”Pektugol”fotde 400 Jannginoowo,tawa ko “Pektugol”ngol alah ɗo fawii,ko yiɗde wiyde tan,waylo-waylo mo Asiis addi oo,oon henanaaki ɓe!ko ɗuum nawnooɓe toon,ngam hollude mette maɓɓe e ndee ɗoo eɓɓaande bonnde e maɓɓe,to ngal ɗoo jaggal,waɗi ɓe ummaade hannde kadi ɓe tiindii to gollorde Jaagorgal Jande too,ngam ɗaɓɓude yoo Laamu nguu woppu Koyhoyi maɓɓe jaggaaɗi ɗii,ngu jaɓa jooɗodaade e maɓɓe,ngam anndude ɓe ko yeewtideede tan,waawi moƴƴinde geɗe nguurndam,kono ɓe njejjitii Laamu Gundo wondotaako!!!Leelaani,ndeen ɓe ndariima e lemmmbo-lemmbo gollorde ndee,Soofaaji Asiis njoryorti emaɓɓe,no hojom ɓe      njoori e maɓɓe Garanaaduuji goynooji,lammina gite,kalɗa jiyɗe…ko e ngaan saanga pelɓondiral heewi,Parta-parta e Burdu-burdu waɗi,paɗe e kaalaaji carii,Soofaaji lumminii ndarii,ene njerminii,wonnoo ko Bey goowɗi bonande.

Ko e ɗuum Fedde Jannginooɓe ndee noddiri  denndaangal Pelle daraniiɗe Jojjanɗe Aadee,yoo ummo ñiŋa ɗee golle bonɗe,kaantare,jaɓɓuɗe sariya Islaam,ubbi Demokaraasii,kaɗi wellitaare nguurndam waɗde e nder ndii Leydi ndimri!tawi alah  ñiɓɗo ɗum e mayri,so wonah Asiis e Goomu mum!.maa taw ko ɗuum Pulaar wiyata: Dañaani dañora!.             Abdul kelli www.yaakaare.com