Luumo waɗtnoongo ñande alarba e alkamiisa e kala ñalawma e nder ɗii ɗoo ñalɗi ɗoo e nder wuro Ndakaaru e saraaji mum.hoyreejo leydi Senegaal hono Abdullaay wadda ina jogori haɗɗe e haɓde e ɗuum hono nguu ɗoo njeeygu fugga jaay.e hujjikinoraade wonde:nguub ɗoo njeeygu ina adda ñabbuuji e nder ɓesngu leydi ndii.
Kono jeere kolobaan naniraani ɗum jam;sabu yeeyooɓe toon fugga jaay ɓee,nana ndarii laŋ, nattii ɗaanaade ngam mette ;sabu laamɗo Leydi ndii hebanaade warde ɗii ɗoo ɓesnguuji,guurnooɗi e ɗii ɗoo njeeyguuji. O haali kaa ɗo haala ko e Yeewtere”Emisoŋ”biyatee ɗo :tirbine e a ayaawo wonngo e ndakaaru wiyetee ngo <kanal info news.E hujja mo o rokki wonde comci ɓoornanooɗi ɗii ina ngadda mborosaaji ñawna ɓoornotooɓe ɓee.

hankadi en nganndii Wadda fiɓi tan ko haɗde nguu njeeygu e nder Leydi Senegaal ngam yiɗde lomtinde ɗoon,comci tawii ko ɗoo e senegaal ɗi kettaa.
Caggal ñalnde dewo hoyre biir nde o waɗnoo njillu makko isin gooto,tawii oon Isin ko kettoowo comci,ko ndeen o wiy hankadi ko o kaɗoowo nguu njeeygu fugga jaay.

Gila oo ɗoo kabaaru yalti yeeyooɓe ɓee nana e dukooji mum en,ngam salaade ngaal kuulal,haa teenti e “gaaruceer ron poin”gonɗo kolobaan,tiindaade Oto ruut; sabu yeeyooɓe heewɓe ko ɗoon ɓuri teskeede,ko way no comci e paɗe ekn .so a heɗiima to Rajooji too,ma nan yimɓe ɓee ina nodde e telefoŋaaji mum en e ɗeen jeewte,ngam hollude salaare mum en e ngal ɗoo kuulal .

oo ɗoo Gorko jom njeeygu fugga Jaay,ɓooyɗo dillirde ngal ɗoo gollal,nan ɗoo darii,ina tiimi e njeeygu mum, ina ɓakkoo ngam hollude wonde,hay gooto waawaa haɗde nguu njeeygu e nder Leydi hee,sabu ɗum jeytaama e pinal Leydi ndii .E wiyde oo ɗoo Gorko jeeyoowo:ko nguu ɗoo njeeygu fuɗɗiima e Senegaal gila e hitaande 1979, ko ene tolnoo jooni e duuɓi 30,ɗuum ñiiɓii!Neɗɗo waawaa  finde hannde tan moomta ɗum nii tan haa laaɓa; miin mi sikku tan o woni ko e gaajaade! so ɗuum sellii e makko,ma o anndu noon,o fewjii ko boni e makko,amin potndi heen noon kala huunde,sabu ko heen min nguuri,ko heen min cuuri ɓesnguuji Senegaal keewɗi!.     
                     Geelel kontee      Dakaar Senegaal      www.yaakaare.com