ñalnde 6 et 7 nduu lewru siyaara mawɗo moolanaaɗo moolee mo Ceerno Jibi Jah yuɓɓinaama haa yuɓɓi,teskaama ñalnde ooɗoo siyaara waɗaa hono makko e heewde yimɓe meeɗaani waɗde to bannge keewal yimɓe,haa teenti kadi to bannge hilifaaɓe diine e hilifaaɓe laamu.
hikka waɗi duuɓi 18 haa yahdi e naange ko siyaara o ena waɗee. Won yimbe wiybe nii hono makko weebaani yiyde e senegaal, kanko e siyaara Ceerno Saydu Nuuru Taal.
to bannge laamu hilifaaɓe ,Abdullaay Wadda neli ko Mustafaa Giraasi jaagorgal kalfinaangal humpito(ministre de la communication,porte parole du gvernement)ena jeyaa e seto makko Yaayaa Saako waggiyante to galle laamorgo ekn…hooreejo diiwaan o e hooreejo falnde nde e ardiiɓe komitee riraluuji ngarii heen e keewal

to bannge hilifaaɓe diine arnoo heen ko Basiiru Taal mo Luga ena ardunoo e sete mawngo, nde o naati nde o naatdi ko e ammudɓe welɓe daande ena mbeyta haa o yettii seeremɓe ɓe. Ceerno Maalik Njoon ariino kañum e seto mum. Ceerno Mustafaa Sih kañum ne ko noon, Ceerno Mammadu Lamin Joob ummorii ko Tinneec ena ardi e seto mum, oon ne kadi seto mum ena heewi heen arde haa teskaa kala sahaa to bannge banndiraaɓe men Muritaabe ngaarii nootaade jeyi sabaabu gargol maɓɓe ko hakkunde maɓɓe e Ceerno Aamadu Tijjaani Kaliifa o ko teddungal mawngal woni ɗoon.

Kono kadi ɓuri fooɗtude tigi rigi ko won Neɗɗo Allah gummoriiɗo en to leydi Maruk ena wiyee Seek Turaabi kono neɗɗo baawɗo Alquraana Allah teddudo ko o gorko belɗo daande no feewi, nde wonnoo e jaŋgunde Alquraana o yimɓe ɓee, kala ɗesi ko woyde won heen nii ngoyii sabu makko welde daande etee kala sahaa ko kanko juulnata deental ngal. Ko arnoo e banndiraaɓe men seeremɓe en mbaawaa fof haaldude sabu keewal ngal ɗo tolninoo.

To bannge Dairaaji won umminooɓe haa fuuta e setooji gumminooɗi haa Fuuta ko wayi no wuro Tulel Calle, ko wuro Ceerno Jibi Usmaan, seto Jaarangelnaaɓe ne ariino ,ɓeen ne kadi ena teskanoo e kala ena tawtoree gila e nguurndam Ceerno Jibi,Daira Faatimata Basum ummorii ko kaasa maasasa kono iwdi makko ko Bagodin o ardi ko joolaaji e soosɓe e Fulɓe firdu, nde yahi haa Dental ngal saakii kikiiɗe ɓe ngoni ko e beytude eɓe njima jimɗi diine lislaamu ,Daira ndakaaru arii e gardagol Mayram Soh mo Galoya,ko Daira ɓooyɗo e dental ngal ɓuri heewde heen doole ko Galoyanaaɓe,Daira Tinngeec ena jeyaa kañum ne ena ɓurɓe yooɗnude siyaara o. Ko arnoo e Dairaaji ɓurii nogaas,kala heen mo nji’ɗaa nati e wutte mum natal Ceerno Jibi walla natal Ceerno Aamadu Usmaan Bah.To bannge caggal leydi ena jeyaa e arnooɓe banndiraaɓe men Farayse ko wa’ no Ceerno Muusaa Gey e galle mum to bannge leydi Belsik e ameriknaabe kañum e Moritaninaaɓe haa teeŋti e bannge Njaawaldi e Fonndunaaɓe
ekn…

Siiftinen yimɓe ɓee ko gila nde Ceerno Jibi bah ruttinoo e joom mum ko kanko o halfini kalifaagal ngal ko o ɓiyi Ceerno Jibi Bah, hannde ko kañum jooɗii e japperee ndee, nde o yefti konngol o waajIi ko yo banndiraaɓe juulɓe ndutto e joomum en , yo kala gollotooɗo kala no waawiri siforaade yo gollu e dow nuunɗal e peewal, yo daw e waktu jippoo e waktu, yo banndiraaɓe men yahooɓe Makka ɓe yo mbaɗir no foti waɗireede kono wonaa (bde) yahi hajju arti fof hay gooto addanaani ɗum ngaari walla so artii yo geɗe de diine salii yo mbaɗe, o haali ko heewi ko fayti e kaawesaaji Ceerno Baasiru Taal e ɓure mum ee o yiyrii e hoore makko.

Kudol Abdullaay Hammadi Saar mo radio oxyjeunes ndakaaru