Yimiyaŋke rok mbalak , mawɗo lannda (mac) hono Demmba Jah, wi’i: yo Alfaa Bolonndi dartin maantooje mum ɗe maantata Abdullaay Wadda ɗee. Cillel haali kaaɗo haala ko e wuro Mbuur nde o tawtoraa dillere ngenndiyaŋkooɓe haɓotooɓe potal ɗemɗe ngenndiiji ngal ɓiɓɓe fulɓe mbaɗnoo toon. Ko toon Demmba haali kaaɗo haala, wonde yoo Alfaa dartin maantooje e jaarooje ɗe o waɗata e Abdullaay Wadda ɗe, sabu o anndaa hay huunde ko woni e e nder Senegaal.
Tawii Alfaa Bolonndii ina nootitii e dillere waɗaande Ndakaaru, nde naalaŋkooɓe mbaɗannoo, ngam waɗlude leydi Aysi, e boomaare nde ɓe ndañnoo e jerɓugol leydi maɓɓe haa waɗi ujunnaaje yimɓe waasɓe heen pittaali mum en.

Oɗoo naalaŋke kodduwaarnaajo hono Alfaa ina maanto ho’reejo leydi Senegaal hono Wadda, e golle ɗe waɗa. Demmba Jah hulaani maj-majnaani e wiyde yoo Alfaa dartin maantooje mum ɗe maantata ɗee, sabu hay huuunde o anndaa ko woni e leydi hee ndeke o foti ko deƴƴude. mo wonaani e leydi waawaa anndude ko woni e mum.
Kono Cillel haaɗaani ɗoon, o hollitii wonde ko jogorɗo fooɗanaade jappeere e toɗɗe garooje e 2012. Ngam hollitii heen salaare makko e dawrugol P D S hono Wadda, e wi’de mo (alaa e sago ɗum waylee, tee mboɗo joganii ɗum pellital so girbanaade lefol e toɗɗe garooje ɗee. Pellital ngal e teemedere mboɗo jogii heen capanɗe jeeɗiɗi e joyi ngam fooɗanaade lefol ngol e toɗɗe pa’ɗe ɗee).
Cillel noon wonaa baawduɗo e Wadda. Ciiftoren e toɗɗe ɓennuɗe e 22 mbooy 2009 ɗee o fooɗondiranooma e jappeere e leegal parel asinii e wuro Ndakaaru Demmbaa ɗaftaa heen, gila ndeen Demmba yiyata tan, ko Wadda ko regni ɗum e conndi fariñ haa furɗi. Sabu kala ko ɓe kaaldunoo Wadda waɗaani, ina wiyee hay kaalis o hunanooma , kono Demmba yiyaani walla ko jaɓaani, gila ndeen Demmba ceeraani fooɗanaade ndee jappeere nde o ɗaftaa e ɗeen toɗɗe; e ngal leegal biyeteengal Parsel asinii ngal Muusaa Sih jooɗii e jappeere mum

Geelel Kontee yaakaaare.com
geelel.kontee@yaakaare.com