Yekkinii, ina bakkano Tayson e ngoo sippiro ngo ɓe njogori hiiwondirde ñalnde 4 seeɗto 2010 to ndakaaru. So araani ma mi yah mi yiyloyoo mo kala to waawi naatde. Ngal ɗoo barogal mawngal kulɓiniingal hono Yaayaa Joob lollirɗo Yekkinii, habrii ko aldaa e caakanaagal wonde sippiro makko e Mohammed Ndaw lollirɗo
Tayson, haɗataa kam ɗaanaade. Ko liɓde tan woni ko coklu mi, so naatde e daartol ngol sippiro yejjittaa, wonde mbir kawɗo e nguu ñalngu so ñalngu jeytaare leydi senegaal e duuɓi capanɗe joyi .
So tawii ko ɗekki mi anniyaaki ɗum,so araani ne mi yahat mi addoyaa mo e kala to o waawi naatde. miin mboɗo ñeeñɗini gollal ngal, sippiro 2006 ngoo ina caggal yawtii.
Hannde mboɗo e semmbe am keso, mi waylii mba’di, fof ko ko ɓeydii,mi ɓeydii doole mawɗe keewɗe e sippiro, kadi won ko jolnu mi ko hesɗi e sippiro, hol ko saabi ɗuum, kala sippirteeɗo ina hersa muuɗneede leydi, sippiro ina naamnii ɗuum. E nder dingire ina tawee heen kow-howiiji (sampiyoŋaaji) keewɗi e kala yonta, gooto kala ina yiɗi wonde ɓurɗo dowlude e dowlugol keeringol. So aɗa yiɗi wonde huunde noon a jaɓat ƴeewde yettaade ɗum.

Ko ɗuum saabii cow-mi tiiɗnaare laabi tati, hannde mboɗo hebanii ɗum to semmbe, pewje e ganndal, e raɓɓiɗinaade tan ko mi kebaniiɗo ɗum e kala fannu. Yettaade hoolaare wonaa ŋakkude teddinde kaɓdiiɗo mum kono fof ina waawi laataade, mboɗo foti tinde mboɗo waawi liɓeede ngoo sippiro.
Tayson jooɗiima ko juuti naataani e dingiral sippireede en nganndaa ko waɗatnoo ɗii ɗo duuɓi tati ɗi o jooɗi. Yekkinii wi’i ngoo ɗoo sippiro ko semu ɗo mum haa yeeso ko laawol
kuɗol geelel kontee yaakaare.com

Geelel.kontee@yaakaare.com