Karlos Slim,gorko jeyaaɗo Mexico, ko kanko woni Julanke(Gorko golle)ɓurɗo heewde jawdi e nder aduna o kala, sabu hannde  o arditiima hono Ameriknaajo biyateeɗo Biil Gateyto,kam e Faraysenaajo biyateeɗo Bernard Arnault ,  e doggol ɓurɓe heewde jawdi e nder hitaande  nde ngonɗen nde (2010 ) tawa  yalti ko e jaaynde wiyateende magasin Forbes yaltunde ñalnde Alarba 10 lewru men Mars 2010 e nder wuro New-york to Amerik, hawraama kadi e nder miijooji annduɓe, faggudu woni ko e dartaada(ƴellitaade) caggal nde saami ha boni bugu-bugu.

Caggal nde njomu ngu waɗi hay huunde heddanooki e nder hitaande 2008, kala to faggudu wonno, joom mum en ko e nder faayre mawnde ngonno, sabu paabi faggudu ɓurɗi mawnude e nder winndere nde kala kollitii wonde ko e duƴƴal baasal mawngal ɓe naayoto, kono hannde e o saha ko e mbellamma walla mbiyen peɗeeli maɓɓe ko e nebam cuuwii, ko noon kadi hono 154 alɗuɓe tawa ko Riisinaaɓe nana lemmba ngam artude e nder doggol alɗuɓe aduna, 97 ko Alɗuɓe hesɓe ɓeydiima heen 62 ɓeen njeya ko e nder tunndu Asi .

 hono hoyreejo goomu tafngo Facebook , oon mo ngannduɗa ko ko mutno, mutde e saabaar e hitaande 2009, suppitiima jooni sabu oon woni Mark Zuckerberb ngam o wonii 212ɓiijo e nder doggol alɗuɓe aduna, omo yahra e ngalu makko: 4 milliards dollards.

Aduna o hannde ine yahra e 1011 Aadee e nder doggol Alɗuɓe, kadi tawa e peƴti e nder leyɗeele 55.

Hono Karlos Slim ine yahra e 53,3 milliards dollars, Biil Gates rewi heen, omo ɓuri ɗum 500 millions dollards.

 Aliw Yero Sih goomu yaakaare.com